Nicat Məmmədov – çağdaş Azərbaycan ədəbiyyatının özünəməxsus və çoxşaxəli simalarından biridir. Şair, tərcüməçi, esseist və publisist kimi fəaliyyət göstərən Məmmədov, həm rus, həm də Azərbaycan dillərində yazaraq, iki dilli ədəbi mühitlər arasında körpü rolunu oynayır.​

Yaradıcılıq və poetik axtarışlar

Nicat Məmmədovun ədəbi fəaliyyəti 2000-ci illərin əvvəllərində başlayıb. Onun ilk kitabları arasında “Струение. Axın. Streaming” (2010) və “Карта Языка” (2010) yer alır. Bu əsərlərdə müəllifin metarealizm və eksperimental poetika ilə maraqlandığı, dilin sərhədlərini aşmağa çalışdığı görünür.​

2022-ci ildə “Aramsızlıq” adlı üçdilli (rus, Azərbaycan və ingilis) şeirlər toplusu nəşr olunub. Orijinalı rus dilində olan bu şeirləri müəllif özü Azərbaycan dilinə, Esmira Serova isə ingilis dilinə tərcümə edib. Bu kitabda Məmmədovun poetik dünyagörüşü və dillərarası keçidləri əks olunur.​

“Əlifba sırası ilə” və fraqmentar üslub

Məmmədovun “Əlifba sırası ilə” adlı esselər toplusu 2023-cü ildə “Azərbaycan” jurnalında dərc olunub və daha sonra “Başla” nəşriyyatında kitab şəklində çap edilib. Bu əsərdə müəllif fraqmentar yazı üslubunu tətbiq edərək, müxtəlif mövzulara dair qısa, lakin dərin düşüncələrini oxucularla bölüşür. Əlifba sırası ilə düzülmüş bu esselər, həm forması, həm də məzmunu ilə fərqlənir.

Heteronimlər və poetik eksperimentlər

Nicat Məmmədov yaradıcılığında heteronimlərdən – fərqli adlar altında yazılmış əsərlərdən – istifadə edir. Məsələn, “Nihad Fəlsəfeh” və “Orxan Səməd” adları ilə yazdığı şeirlər, müxtəlif poetik üslubları və dünyagörüşlərini əks etdirir. Bu yanaşma, onun ədəbiyyatda müxtəliflik və eksperimentallığa verdiyi önəmi göstərir.​

Tərcüməçilik fəaliyyəti

Tərcümə sahəsində də fəal olan Məmmədov, iyirmi ildən artıq müddətdə azərbaycancadan ruscaya və əksinə tərcümələr edib. O, həmçinin digər dillərdən də tərcümələr həyata keçirərək, Azərbaycan oxucusunu dünya ədəbiyyatı ilə tanış edir. Məmmədovun tərcümələri arasında Enrike Vile-Matasın “Bartlbi və çevrəsi” romanı da yer alır.​

Ədəbi mövqeyi və ictimaiyyətlə münasibəti

Nicat Məmmədov ictimaiyyət qarşısında görünməkdən çəkinən, müsahibələrə və təqdimatlara nadir hallarda qatılan bir yazıçıdır. O, yazılarını oxucuların özlərinin kəşf etməsini və qiymətləndirməsini üstün tutur. Məmmədovun fikrincə, yazıçının müsahibə verməsi və öz əsərlərini izah etməsi, yazının özünün ifadə etdiyi mənanı təkrar etməkdir.​

Nicat Məmmədovun yaradıcılığı, dil və forma üzərində apardığı eksperimentlər, heteronimlər vasitəsilə müxtəlif poetik üslubları sınaması və tərcüməçilik fəaliyyəti ilə Azərbaycan ədəbiyyatında özünəməxsus yer tutur. Onun əsərləri, oxucunu düşünməyə və ədəbiyyatın sərhədlərini yenidən müəyyənləşdirməyə təşviq edir.

-----------------------------

 

Oğuz Toğruloğlu

 

 

WISHLIST

 

 

1. İstəyirəm bir kilo sosiskanı təkbaşına yeyim

 

 

2. İstəyirəm iki penisim olsun, biri gündəlik, biri bayramdan bayrama

 

 

3. İstəyirəm atam qəbirdən xortlayıb gəlsin və deyəm: a kişi, it-bat olmusan, haralardasan?

 

 

4. İstəyirəm ad günümə tısbağa bağışlasınlar, mən də onu rəngbərəng boyayım

 

 

5. İstəyirəm kiçik və böyük bayıra çıxmaq ehtiyacım olmasın

 

 

6. İstəyirəm hər dəfə əlimi cibimə atanda oradan yüzlük çıxsın

 

 

7. Yuxuda ölmək istəyirəm

 

 

8. Musiqiçi yox, musiqinin özü olmaq istəyirəm

 

 

9. Artur Rembonun vaxtında yaşamaq və onunla rinqə çıxmaq istəyirəm

 

 

10. Bakıda bütün avtomobillərin yox olmasını istəyirəm

 

 

11. İstəyirəm telefonumun zaryadkası heç vaxt bitməsin

 

 

12. İstəyirəm corablarım itməsin

 

 

13. İstəyirəm insanlar məni görəndə əllərini ürəklərinə uzatsınlar

 

 

14. İstəyirəm bomjlar leysanda körpü altında boğulmasınlar

 

 

15. İstəyirəm insanlar boynuyoğun yox, boynu uzun, incə olsunlar

 

 

16. İstəyirəm asqıranda ağzımızdan günəş çıxsın

 

 

17. İstəyirəm gəyirəndə gül iylənsin

 

 

18. İstəyirəm qarışqalar ayaq altda qalmasın

 

 

19. İstəyirəm düşmənlər məni yada salmasın

 

 

20. Evlərin şar formasında olmasını istəyirəm

 

 

21. İstəyirəm ağcaqanadlar vız-vız əvəzinə cız-bız oxusunlar

 

 

22. İstəyirəm milçəklər göyçək olsunlar

 

 

23. İstəyirəm akulaların gülüşü əskik olmasın

 

 

24. İstəyirəm dişi goreşənlərin klitoru lap bu dərəcədə uzun olmasın

 

 

25. İstəyirəm timsahlar tərk-silah olub segah oxusunlar

 

 

26. İstəyirəm silahlar marojnaya çevrilib ərisinlər

 

 

27. İstəyirəm məhlələrdən marooojni, marooojni sədası gəlsin

 

 

28. Güzgülərdən silinmək istəyirəm

 

 

29. Qocalıb təzədən cavanlaşmaq istəyirəm

 

 

30. Doqquzuncu mərtəbədən tullanıb sağ qalmaq istəyirəm

 

 

31. Nikolayın qızıl onluqları ilə sıçmaq istəyirəm

 

 

32. İstəyirəm harasa tələsəndə ayaqlarım təkərə çevrilsin

 

 

33. İstəyirəm elə bir dərman olsun ki, onu içib ingilis dilini c2 səviyyədə biləsən

 

 

34. İstəyirəm göbəyimə basanda saçımın rəngi dəyişsin

 

 

35. Göbələk sozünü köbələk kimi tələffüz etmək istəyirəm

 

 

36. Gözlərimi yumub açaraq dünyanı gözəlləşdirmək istəyirəm

 

 

37. İstəyirəm heç olmasa bir dənə albinos dostum olsun və onunla Albina Pyakşevanın mahnılarını dinləyək

 

 

38. Zərb alətlərinə zırt alətləri demək istəyirəm

 

 

39. Çırta-pırt, hətərəm-pətərəm kəlmələrini unutmaq istəyirəm

 

 

40. İstəyirəm Yafəs Türksəs cənnətə düşsün

 

 

41. Sekslə məşğul olarkən mənim və sevgilimin bodybuilder bədənli olmağını istəyirəm

 

 

42. İstəyirəm qəbirlərin içində hər ehtimala qarşı zvanok olsun

 

 

43. Pişiklərin nə barədə düşündüklərini bilmək istəyirəm

 

 

44. İstəyirəm Allaha elə bir sual verim ki, desin "bağışla, oğul"

 

 

45. Mırta yeni din yaratmaq istəyirəm

 

 

46. İstəyirəm gitara çalanda iki əlavə əlim peyda olsun

 

 

47. Bəy yox, meşəbəyi olmaq istəyirəm

 

 

48. Keçmişə qayıdıb özümü öldürmək istəyirəm

 

 

49. Amerika qitəsində Qarabağ kətəsi yemək istəyirəm

 

 

50. İstəyirəm hər bir azərbaycanlı kartıma 1 manat atsın

 

 

51. "Qrafoman"la "əsl şair" arasında sərhəddin itməsini istəyirəm

 

 

52. İstəmirəm azadlığı qram-qram, istəyirəm əncirləri ağacdan qıram

 

 

53. İstəmirəm azadlığı qram-qram, istəyirəm qrammofon olam

 

 

54. Yuxuda gördüyüm bəzi şeyləri dartıb gerçəkliyə çıxarmaq istəyirəm

 

 

55. Dönərlərin dobrı olmasını istəyirəm

 

 

56. İsa Məsihi qucaqlayıb ona İsa Məsiş demək istəyirəm

 

 

57. "Çürük pomidor" adlı rok-qrup yaratmaq istəyirəm

 

 

58. Gözəgörünməz olub insanların barəmdə nə danışdığını bilmək istəyirəm

 

 

59. Roman yazıb içinə köçmək istəyirəm

 

 

60. Fizika qanunlarını dəyişə bilmək istəyirəm

 

 

61. İstəyirəm elə bir pultum olsun ki, günəşin istisini azaldıb artıra biləm

 

 

62. İstəyirəm başımda antena bitsin – yad planetlilərin musiqisini dinləyəm

 

 

63. Ulduzları duza batırıb yemək istəyirəm

 

 

64. İstəyirəm yağış əvəzinə göydən baçkovoy pivə yağsın

 

 

65. İstəyirəm ağaclarda yarpaq əvəzinə pul bitsin

 

 

66. İstəyirəm ölümümdən sonra mənə dönər-heykəl qoysunlar, hər keçən bir dişləm alıb keçsin

 

 

67. Dədəizm adlı yeni ədəbi hərəkat yaratmaq istəyirəm

 

 

68. Kölgəmin sarı rəngdə olmasını istəyirəm

 

 

69. Küləkdən yapışıb səyahət etmək istəyirəm

 

 

70. İstəyirəm hər samitdən sonra sait gəlsin

 

 

71. Dördüncü fəzaya baş vurmaq istəyirəm

 

 

72. Süni intellektin islamı qəbul etməsini istəyirəm. Qalanı vacib deyil: sünni intellekt də ola bilər, şiə intellekt də

 

 

73. Əşyaların küncsüz olmasını istəyirəm

 

 

74. Everestin qarına işəyə-işəyə adımı yazmaq istəyirəm

 

 

75. Hörmətli bir ağsaqqalla salamlaşarkən ovcuna şappadan vurub "Nətəəərsənq əəə?" demək istəyirəm

 

 

76. İstəyirəm Nicat Məmmədov nobel alsın

 

 

77. İstəyirəm Nərmin Həsənova Oscar alsın

 

 

78. İstəyirəm Alyoşanın, Həmid Piriyevin şəxsi mənzili olsun

 

 

79. İstəyirəm Sübhanın qızı sağ-salamat böyüsün

 

 

80. İstəyirəm Rasim Qaracanın böyük oğlu bizlərə saflıq dərsi keçsin

 

 

81. Bahalı diş istəyirəm

 

 

82. Pullu iş istəyirəm

 

 

83. İsti duş istəyirəm

 

 

84. Dik duduş istəyirəm

 

 

85. Səhvsiz keçmiş istəyirəm

 

 

86. Qara kişmiş istəyirəm

 

 

87. Şəxsiyyətimə pərəstiş istəyirəm

 

 

88. Nəvaziş istəyirəm

 

 

89. Dərviş olmaq istəyirəm

 

 

90. Məməş yox məmiş istəyirəm

 

 

91. Kadıköydə sahildə gəzişərkən "Şimdi qazozlar yapıcaz!!!" bağırmaq istəyirəm

 

 

92. İstəyirəm başımızın içində cuppulu ventilyator olsun, bütün pis fikirləri, ağır düşüncələri, dumanı dağıtsın

 

 

93. İstəyirəm bütün küçə itlərin qarnı tox olsun

 

 

94. İstəyirəm bütün küçə pişiklərin domiki olsun

 

 

95. İstəyirəm heyvanlar bir-birini və insanları yeməsin

 

 

96. İstəyirəm insanlar bir-birini və heyvanları yeməsin

 

 

97. "Mozambikdə qazandibi yemək istəyirəm" (Sübhan Manafzadə)

 

 

98. "Yolumu azanda azan səsi gələn tərəfə getmək istəyirəm" (Sübhan Manafzadə)

 

 

99. Qızım olsa adını Mariya qoyub evdə Maşka kimi çağırmaq istəyirəm

 

 

100. Oğlum olsa adını David qoyub Lynch, Sylvian, Gilmour, Abbott kimi kumirlərimə ommaj etmək istəyirəm

 

 

101. İstəyirəm bu mətn populyarlıq qazansın

 

 

102. İstəyirəm bu mətnə klip çəkilsin

 

 

103. İstəyirəm bu mətnin əsasında Əli Həsənzadə performans təşkil etsin

 

 

104. İstəyirəm bu mətn haqqında dissertasiya müdafiə etsinlər

 

 

105. İstəyirəm bu mətn bütün xarici dillərə tərcümə olunsun

 

 

106. İstəyirəm bu mətni Sacha Baron Cohen oxusun

 

 

107. İstəyirəm bu mətni şər qüvvələrə qarşı dua kimi istifadə etsinlər

 

 

108. İstəklərdən azad olub nirvanaya qovuşmaq istəyirəm

• 1
• 2
• 3
• 4
• 5